Fræðslu- og menntunarmál lækna [ritstjórnargrein]

Rannsóknarafurð: Framlag til fræðitímaritsGrein

Útdráttur

Að fræðslu- og menntunarmálum lækna koma auk læknadeildar Háskóla Íslands, Framhaldsmenntunarráð læknadeildar, fræðslunefndir þeirra stofnana sem læknar starfa á, sérgreinarfélög lækna og Fræðslustofnun lækna. Læknadeild Háskóla Íslands tekur að sér að mennta stúdenta, svo úr verði læknakandídatar. Framhaldsmenntunarráð læknadeildar annast fræðslumál nýútskrifaðra læknakandídata með skipulagningu á námi sem krafist er til veitingar lækningaleyfis og hefur Framhaldsmenntunarráð hin síðari misseri gefið sig að fræðslu- og menntunarmálum deildarlækna, fyrst og fremst með það að leiðarljósi að tengja vinnu þeirra fræðslu er nýtist sem upphaf sérnáms, sem er fram haldið erlendis, eins og raunin er meðal flestra íslenskra lækna. Um viðhaldsmenntunarmál lækna, eftir að námi í læknadeild lýkur, er lítið vitað annað en það að læknum ber að sinna símenntun, samanber læknalög, III kafla, 9 gr. „Lækni ber að sinna störfum sínum af árvekni og trúmennsku, halda við þekkingu sinni og fara nákvæmlega eftir henni".
Upprunalegt tungumálÍslenska
FræðitímaritLæknablaðið
ÚtgáfustaðaÚtgefið - 1 maí 1999

Önnur efnisorð

  • Menntun
  • Læknar

Vitna í þetta