Ristilkrabbamein á Borgarspítala 1975-1987 og lífshorfur eftir aðgerð

Jónas Magnússon, Guðlaug Þorsteinsdóttir, Páll Helgi Möller

Research output: Contribution to journalArticlepeer-review

Abstract

Ristilkrabbamein er eitt algengasta krabbameinið hérlendis, þriðja í röðinni hjá konum og það fjórða í körlum. Tíðnin vex með aldrinum og fjöldi þeirra eykst því með vaxandi fjölda eldra fólks. Upplýsingar um lífslíkur m.t.t. stigunar eftir aðgerð liggja ekki fyrir hérlendis. Tilgangur rannsóknarinnar var að ákvarða lífslíkur eftir aðgerð vegna ristilkrabbameins á skurðdeild Borgarspítalans. Afturvirk rannsókn var gerð á þeim sjúklingum skurðdeildar Borgarspítalans, sem gengust undir aðgerð vegna ristilkrabbameins 1975-1987. Dukes-flokkun var notuð við stigun sjúkdómsins. Lifun var metin með líftöflu að hætti Kaplan-Meyer og miðast við 1. janúar 1989. Alls fundust 165 sjúklingar, 89 konur og 76 karlar. Þrettán sjúklingar féllu í Dukes-stig A, 71 sjúklingur í Dukes-stig B og 28 í Dukes-stig C. Sextíu og sex æxli voru í hægri hluta ristilsins, 23 æxli í þverristli, 15 í vinstri hluta ristilsins og 59 í bugaristli. Heildardánartala eftir aðgerð var "5%. Dánartala eftir læknandi aðgerð var ~ 2%, eftir líknandi aðgerð 11%. Líkindin á fimm ára lifun reyndust svipuð í Dukes-stigi A og B eða í kringum 65-70%, en í kringum 40% við Dukes-stig C. Ef um líknandi aðgerð var að ræða voru ekki líkindi á lifun eftir þrjú ár frá aðgerð. Það er athyglisvert að tæplega þriðjungur sjúklinga er ólæknandi við greiningu. Aðeins helmingur sjúklinga fellur í hóp Dukes-A eða B. Dánartala við aðgerð er lág. Ef einhver stórbreyting til batnaðar á að verða á lifun við þennan sjúkdóm, verður að greina hann fyrr.
Original languageIcelandic
JournalLæknablaðið
Publication statusPublished - 1 Oct 1990

Other keywords

  • Ristilkrabbamein
  • Dánartíðni
  • Colorectal Neoplasms
  • Incidence
  • Colonic Neoplasms
  • Sex Distribution
  • Iceland
  • Age Distribution

Cite this