Rannsóknir eru undirstaða þróunar og hagsældar í landbúnaði

Rannsóknir og þróun eru undirstaða allra atvinnugreina. Atvinnugrein sem heldur ekki í við framfarir og þróun þrífst ekki eða dafnar til lengdar. Á Tilraunastöð Háskóla Íslands í meinafræði að Keldum eru stundaðar rannsóknir sem tengjast dýraheilbrigði og sjúkdómum í dýrum og mönnum. Þar er veitt ráðgjöf og þjónusta í þágu heilbrigðiseftirlits, sjúkdómagreininga og sjúkdóma­ varna fyrir búfé, eldisfiska og önnur dýr. Nemar í líffræði, lífefnafræði, lífeindafræði og dýralækningum vinna rannsóknarverkefni á fræða­sviðum stofnunarinnar sem hluta af grunn­ eða framhaldsnámi sínu. Með vaxandi innflutningi, hnatt­væðingu og hlýnandi loftslagi má gera ráð fyrir að nýir smitsjúkdómar berist til landsins í auknum maeli. Fyrir utan hættulega smitsjúkdóma sem herja á búpening og geta valdið fjárhagslegu tjóni eru margir af varasömustu smit­ sjúkdómum í mönnum svokallaðar súnur (zoonosis), en það eru sýklar sem smitast úr dýrum í fólk (s.s. fuglaflensa, svínaflensa, ebólaveira og fleiri). Þörfin fyrir öflugar rannsóknir á sviði dýrasjúkdóma og dýraheilbrigðis er því vaxandi og rannsóknirnar eru þar að auki nauðsynlegur liður í öruggri fæðuframleiðslu og liður í að viðhalda nauðsynlegu viðbúnaðarstigi. Líkt og tíðkast á öðrum rannsóknarstofnunum hafa vísinda­menn á Keldum sótt stóran hluta af sínu styrkfé í Rannsóknasjóð Rannís og aðra sjóði. Velflestir meistara­ og doktorsnemar sem ljúka námi frá stofnuninni hafa þegið styrkfé að hluta eða öllu leyti. Nýliðun starfs­ krafta og viðhald þekkingar verður aðeins tryggt með menntun og þjálfun nema.