Heilaáverkar og meðferð þeirra : árangur af meðferð 364 sjúklinga á gjörgæsludeild Borgarspítalans 1973-1980

Acute, severe injuries of the brain and their treatment. Admissions to ICU, City Hospital, Reykjavik, Iceland 1973-1980. The incidence and results of treatment of 364 patients admitted during a period of eight years are presented. The surgical treatment for acute subdural haematoma and epidural haematoma is described.
Á hverju ári vistast fjölmargir sjúklingar á heila- og taugaskurðdeild Borgarspítalans vegna höfuðáverka. Mikill meirihluti þeirra hefur aðeins fengið vægan heilahristing. Aðrir hafa fengið alvarlegri áverka og verið vistaðir á gjörgæsludeild spítalans (1-5). Verður hér á eftir rætt um 364 sjúklinga sem vistaðir voru á þeirri deild á átta ára tímabili og þá áverka sem þeir hlutu. Fleiri sjúklingar voru lagðir inn á gjörgæsludeild á þessu tímabili, þ.e. 61 til viðbótar, en þar sem hér skal aðeins fjallað um bráðustu gerðir höfuðáverka (tafla I), verður þeim sleppt að sinni. Hér er átt við hægbráðar og hægfara innanbastsblæðingar og aðra óskilgreinda áverka. I greininni er fjallað nokkuð um þann skyldleika sem er með heilahristingi og útbreiddu heilamari. Lýst er aðgerðum vegna bráðrar innanbastsblæðingar og utanbastsblæðingar