Description
Í þessu erindi verður gerð grein fyrir fyrstu niðurstöðum rannsóknar þar sem markmiðið var að fylgja eftir innleiðingu á gæðaviðmiðum um frístundaheimili og afla upplýsinga um faglegt starf, stefnumótun og áskoranir stjórnenda og starfsfólks. Viðmið um markmið og gæði starfsins á frístundaheimilum voru gefin út 2019 af Mennta – og menningarmálaráðuneytinu (nú Mennta- og barnamálaráðuneyti). Er þetta fyrsta rannsóknin sem vitað er um sem er ætlað að varpa ljósi á hvort og hvernig þessi markmið og viðmið hafa skilað sér í þróun og starf frístundaheimilanna á landsvísu.Gögnum var safnað frá júní til september 2023 með megindlegri aðferð þar sem um var að ræða spurningakönnun sem svarað var á netinu. Könnunin var send með tölvupósti á stjórnendur í skóla- og frístundastarfi á höfuðborgarsvæði og landsbyggð, þar sem upplýsingar lágu fyrir um netföng. Stjórnendur voru jafnframt beðnir að framsenda á starfsfólk frístundaheimila og þá var hlekk á könnunina dreift gegnum fésbókarhópa.
Verið er að greina fyrstu niðurstöður sem kynntar verða í erindinu.
| Period | 29 Sept 2023 |
|---|---|
| Event title | Menntakvika 2023: Ráðstefna í menntavísindum |
| Event type | Conference |
| Conference number | 2023 |
| Location | Reykjavík, IcelandShow on map |
| Degree of Recognition | National |