Description
Markmið þessa erindis er að kynna fyrsta mögulega ramma að uppbyggingu náms í hjúkrunar- og ljósmóðurfræðum í HÍ. Tilgangurinn er að skapa samtalsgrunn þeirra sem koma að námí í þessum fræðum við HÍ, annars vegar sérfræðingum í hjúkrun- og ljósmóðurfræðum og hins vegar sérfræðingum á sviði háskólakennslu og viðmiðum um æðri menntun og prófgráður hérlendis.Þróun náms í hjúkrunar- og ljósmóðurfræðum hefur einkennst af metnaði og fagmennsku þar sem þekking byggð á rannsóknum hefur verið í forgrunni. Hjúkrunarfræðingar og ljósmæður fengu fyrst menntun sína erlendis, seinna í Hjúkrunarskóla Íslands eða Ljósmæðraskólanum og síðar var allt nám hjúkrunarfræðinga sett undir einn hatt í háskólanámi sem var undirstaða í ljósmóðurfræði þar til hún varð einnig að sjálfstæðri háskólagrein. Til þess þurfti kjark og framtíðarsýn.
Í þessu erindi verður sami kjarkur hjúkrunarfræðinga og ljósmæðra og áður hafður að leiðarljósi. Kynnt verður möguleg framtíðarsýn og rammi náms í hjúkrunar- og ljósmóðurfræðum. Hér er um ramma náms að ræða en ekki námkvæma upptalningu á einstökum atriðum inntaks námsins. Gerð er grein fyrir mögulegri uppbyggingu í grunnnámi, dæmum um meistaranámsleiðir og ekki síst hvernig nýlega skilgreint örnám getur skapað skipulegan farveg fyrir sí- og endurmenntun starfandi hjúkrunarfræðinga sem margir þurfa að geta sinnt fjölbreyttum verkefnum í fámennu íslensku samfélagi.
| Period | 27 Sept 2024 |
|---|---|
| Event title | Menntakvika 2024: Ráðstefna í menntavísindum |
| Event type | Conference |
| Location | Reykjavík, IcelandShow on map |
| Degree of Recognition | National |